“Tanqidlarim Mirzamahmudovga qaratilmagan, kim vazir bo‘lsa ham fikrlarimni aytaveraman” — Bakirov
Jamoatchilik faoli Otabek Bakirov O‘zbekistonda so‘z erkinligiga ta’sir ko‘rsatayotgan qonunchilik bazasi yuzasidan jiddiy xavotirlarini bildirdi va jamoatchilikning keng qo‘llab-quvvatlashi uchun chuqur minnatdorlik izhor etdi.
Energetika vaziri Jo‘rabek Mirzamahmudovning jamoatchilik faoli Otabek Bakirovga nisbatan da’volari bo‘yicha ish tugatildi. Sud blogerni yolg‘on axborot tarqatish moddasi bo‘yicha jazoga tortish muddati o‘tib ketganligi sababli, ma’muriy huquqbuzarlikka oid ishni tugatdi.
Sud qaroridan so‘ng bloger Otabek Bakirov o‘z pozitsiyasiga bevosita oydinlik kiritish uchun energetika vaziri Jo‘rabek Mirzamahmudovning ishtirok etishini kutganini bildirdi. U so‘nggi bir necha yil davomidagi tanqidlari hech qachon vazirning shaxsiyatiga qaratilmaganini, balki energetika sohasidagi tizimli muammolarga qaratilganini ta’kidladi.
“Jo‘rabek Mirzamahmudovni yaxshi ota, yaxshi farzand, yaxshi aka, yaxshi uka sifatida juda hurmat qilaman. Juda yaxshi inson. Umuman men e’tirozim yo‘q. Mening e’tirozim tizimga. Bu vazirlikka Sultonov yoki boshqa vazir bo‘lsa ham fikrimni bildirardim”, — dedi u.
Shuningdek, Bakirov O‘zbekistonda so‘z erkinligiga ta’sir ko‘rsatayotgan qonunchilik bazasi yuzasidan jiddiy xavotirlarini bildirdi va jamoatchilikning keng qo‘llab-quvvatlashi uchun chuqur minnatdorlik izhor etdi. Shuningdek, bloger mamlakat energetika sektori kelajagi haqidagi o‘z qarashlari bilan o‘rtoqlashib, tizimli islohotlar va shaffoflikni oshirish tarafdori ekanligini aytdi.
