Xitoyning sobiq mudofaa vaziri o‘lim jazosiga hukm qilindi
Sobiq vazir pora olish va berishda aybdor deb topilgan.
Xitoyda harbiy sud sobiq mudofaa vaziri Li Shanfuni korrupsiya bilan bog‘liq jinoyatlarda aybdor deb topdi deb xabar beradi RIA Novosti, Xitoy Markaziy televideniyesiga tayanib.
Ma’lumotlarga ko‘ra, u pora olish va pora berish holatlarida ayblanib, ikki yillik kechiktirish bilan o‘lim jazosiga hukm qilingan.
Qayd etilishicha, belgilangan ikki yillik muddatdan so‘ng jazo muddatidan oldin ozod qilish imkoniyatisiz umrbod qamoq jazosiga almashtiriladi.
Sud qaroriga muvofiq, Li Shanfu siyosiy huquqlardan umrbod mahrum etilgan hamda uning barcha shaxsiy mol-mulki musodara qilinadi.
General Li Shanfu 2023-yil mart oyida Xitoy mudofaa vaziri lavozimiga tayinlangan edi. Oradan bir necha oy o‘tib, 2023-yil oktyabr oyida u barcha davlat va harbiy lavozimlaridan ozod qilingan.
2024-yil iyun oyida esa unga nisbatan korrupsiya bilan bog‘liq tergov boshlanib, u Xitoy Kommunistik partiyasi safidan chiqarilgan.
