Kremlning Parad rejalari o'zgarib ketdi

 

Markaziy Osiyo mintaqasida mamlakat rahbarlari 9-may kungi tadbirni bu yil Moskvada emas, uyida kutib oladigan bo‘ldi.

 

7-may kuni TACC axborot agentligi tomonidan harbiy paradda ishtirok etadigan davlatlar ro‘yxati e’lon qilindi. Unda 9 davlat qatnashishi yozilgan. Menimcha, rostdan ham bu yilgi parad boshqalaridan o‘zgacha tarzda kechadi. Bu haqida esa, video so‘nggida bilib olasiz.

 

         

 

 

Qozog‘iston, Qirg‘iziston, Tojikiston va Turkmaniston rahbalarining ham paradda ishtirok etishi noma’lum. Har yili bu vaqtda barcha rahbarlar paradda ishtirok etishga roziligi rus mediasi tomonidan balandparvoz gaplar bilan e’lon qilinar edi.

 

Shu bilan birga Armaniston Bosh vaziri Nikol Pashinyan ham paradda ishtirok etmasligini bildirdi.

 

Hukumat rahbari bu qarorni 7-iyunga rejalashtirilgan parlament saylovlari oldidan saylovoldi kampaniyasi boshlangani bilan izohladi.

 

“Men aprel oyida Rossiyaga tashrifim chog‘ida Rossiya prezidentiga saylovoldi kampaniyasi tufayli 9-mayga mo‘ljallangan tadbirlarda qatnasha olmasligimni ma’lum qilganman”, - degan Pashinyan hukumat yig‘ilishidan so‘ng jurnalistlarga.

 

Ukraina prezidenti Volodimir Zelenskiy ayrim davlatlar vakillarining 9-may kuni Moskvaga borish rejasiga munosabat bildirib, buni “tavsiya etmasligini” aytdi.

 

U Rossiyaning 9-may arafasidagi sulh taklifiga javoban “sukut rejimi”ni joriy qilgan edi, biroq Rossiya harbiy harakatlarini to‘xtatmagan. Ukraina esa bunga mos javob qaytarilishini bildirgan.

 

“Rossiyaga yaqin ayrim davlatlardan ularning vakillari Moskvada borishni rejalashtirayotgani haqida xabarlar ham bor. G‘alati istak... aynan shu kunlarda-ya. Biz buni tavsiya etmaymiz”, — dedi prezident kechki murojaati davomida.

 

Kreml tomonidan e’lon qilinga ro‘yxatga ko‘ra, qizil maydondagi paradda Abxaziya, Belarus, Laos, Malayziya, Slovakiya, Janubiy Osetiya, Serb Respublikasi kabi davlatlarning rahbalari va hukumatdagi yuqori lavozimdagi shaxslar ishtirok etadi.

 

Reuters nashrining yozishicha, 9-may kuni Moskvada xavfsizlik kuchlari kuchaytiriladi. Bunga sabab sifatida birinchi Ukraining shu kuni Moskvaga dron hujumi uyushtirish haqidagi gaplari bo‘lsa, ikkinchidan G‘arb mediasi va turli xil ravedka tashkilotlari tomonidan o‘sha kuni Putinga suiqasd yoki davlat to‘ntarishi rejalashtirilgan. Bu ham yetmaganidek xorijiy jurnalistlarining Moskvadagi paradda qatnashishi haqidagi akkreditatsiya bekor qilingan.

 

Kreml matbuot kotibi Dmitry Peskov buni Ukrainadan kutilayotgan “terrorchilik tahdidi” bilan izohladi. Ammo u Putinga qarshi kutilayotgan suiqasdni rad etdi.

 

Avval xabar berganizmidek, Moskvadagi qizil maydonda o‘tkaziladigan paradda harbiy texniklar ishtirok etmaydi. U yerda faqat askarlar ishtirok etadi.

 

Moskvadagi parad haqidagi videoni ko‘rmagan bo’lsangiz Zamon.uzning YouTube sahifasida tomosha qiling.