“Real Sanjik” 5 yilga qamaldi
Shuningdek, unga bazaviy hisoblash miqdorining 410 baravari miqdorida jarima tayinlandi.
Bugun Mirzo Ulug‘bek tuman sudida fuqaro Sanjar Karimovga oid jinoyat ishi yuzasidan olib borilgan sud muhokamalari yakunlandi.
Sud hukmiga ko‘ra, S.K. Jinoyat kodeksining 168-moddasi 4-qismi “a” bandi (firibgarlik), 112-moddasi 1-qismi (o‘ldirish yoki zo‘rlik ishlatish bilan qo‘rqitish) hamda 273-moddasi 2-qismida nazarda tutilgan jinoyatlarni sodir etishda aybdor deb topildi.
Sud tomonidan unga 5 yil muddatga ozodlikdan mahrum qilish jazosi hamda bazaviy hisoblash miqdorining 410 baravari miqdorida jarima jazosi tayinlandi. Jazolar alohida-alohida ijroga qaratilishi belgilandi.
Shuningdek, sud hukmida jabrlanuvchi Sh.A.ga yetkazilgan moddiy zarar qoplangani e’tirof etildi. Bundan tashqari, jabrlanuvchilar Sh.A. va F.R.ga jinoyat oqibatida yetkazilgan moddiy hamda ma’naviy zarar yuzasidan fuqarolik tartibida sudga murojaat qilish huquqlari tushuntirildi.
