Iqtisodiy jinoyatlarga qarshi kurashish Departamentida British American Tobacco Uzbekistan vakillari bilan uchrashuv bo‘lib o‘tdi
O‘zbekistonda bozorida tamaki mahsulotlarining yashirin aylanmalari 22,4 dan 7 foizga tushganligi ma’lum qilindi.
Bosh prokuratura huzuridagi Iqtisodiy jinoyatlarga qarshi kurashish Departamentida British American Tobacco Uzbekistan korxonasining vakillari bilan uchrashuv bo‘lib o‘tdi.
Unda, Bosh prokuratura Departamenti hamda Alkogol va tamaki bozorini tartibga solish inspeksiyasi rahbariyati, British American Tobacco Uzbekistan korxonasining vakillari ishtirok etdilar.
Uchrashuvda kompaniya tomonidan 1 000 dan ortiq ish o‘rni yaratilgani, 18 mingdan ziyod savdo nuqtalari bilan hamkorlik yo‘lga qo‘yilgani, 530 mln AQSH dollari investitsiya kiritilgani va eksport hajmi 95 mln AQSH dollariga yetgani, tamaki mahsulotlarining yashirin aylanmalari 22,4 dan 7 foizga tushganligi qayd etildi.
Shuningdek, ishlab chiqarish quvvatlarini modernizatsiya qilish, yangi turdagi mahsulotlar ishlab chiqarishni yo‘lga qo‘yish, eksport geografiyasini kengaytirish hamda mahalliy qishloq xo‘jaligi zanjiri bilan aloqani yo‘lga qo‘yish, yashirin iqtisodiyotni qisqartirish, halol raqobat muhitini shakllantirish hamda qonuniy aylanmani kengaytirishga qaratilgan tizimli chora-tadbirlar belgilab olindi.
