O‘zbekiston qirg‘iz milliy madaniy markazi raisi “O‘zbekistonda xizmat ko‘rsatgan yoshlar murabbiysi” unvoni bilan taqdirlandi
Raxmatulla Djabbarovning milliy madaniyat, urf-odat va an’analarni asrab-avaylash hamda yosh avlodni Vatanga muhabbat, sadoqat va umuminsoniy qadriyatlarga hurmat ruhida tarbiyalash yo‘lidagi ibratli faoliyati alohida e’tirof etildi.
Prezident Shavkat Mirziyoyevning farmoniga muvofiq, O‘zbekiston qirg‘iz milliy madaniy markazi raisi Djabbarov Raxmatulla Mamatovich «O‘zbekiston Respublikasida xizmat ko‘rsatgan yoshlar murabbiysi» faxriy unvoni bilan taqdirlandi.
Mazkur yuksak unvon unga davlat organlari va jamoat tashkilotlaridagi ko‘p yillik samarali faoliyati, mamlakatimizda millatlararo do‘stlik va totuvlikni mustahkamlash, turli millat va elat vakillari o‘rtasida o‘zaro hurmat va bag‘rikenglik muhitini rivojlantirishga qo‘shgan munosib hissasi uchun berildi.
Shuningdek, Raxmatulla Djabbarovning milliy madaniyat, urf-odat va an’analarni asrab-avaylash hamda yosh avlodni Vatanga muhabbat, sadoqat va umuminsoniy qadriyatlarga hurmat ruhida tarbiyalash yo‘lidagi ibratli faoliyati alohida e’tirof etildi.
Farmonda uning jamiyat hayotidagi faol ishtiroki va tavalludining 75 yilligi munosabati bilan ko‘rsatgan xizmatlari yuqori baholangani qayd etilgan.
