Jizzaxlik ota farzandiga 137 mln aliment to‘ladi
U 5 yillik aliment to‘lovlarini oldindan amalga oshirgan.
Byuroning Paxtakor tuman bo‘limi ish yurituviga fuqarolik ishlari bo‘yicha sud buyrug‘iga asosan, qarzdor D.j.dan undiruvchi A.S. foydasiga bir nafar farzandi uchun aliment undirish haqidagi ijro hujjati kelib tushgan.
Ijro harakatlari davomida qarzdorning 2024 yilda ishlash maqsadida Germaniya davlatiga ketgani maʼlum bo‘ldi.
Aliment qarzi sababli unga nisbatan chiqish cheklovi qo‘llanilgan edi. Shu bois, “keyin yana chet elga chiqishda muammo bo‘lmasin”, degan maqsadda u Vazirlar Mahkamasining 808-sonli qarori asosida farzandi uchun kelgusi 5 yillik aliment mablag‘ini oldindan to‘lashga qaror qildi.
Natijada yaqin qarindoshlari orqali 137 mln so‘m aliment puli bir yo‘la to‘lab berildi.
