Shoir Yo‘ldosh Eshbekka Toshkentdan uch xonali uy topshirildi
Uy kaliti poytaxt hokimi tomonidan topshirildi.
O‘zbekistonda xizmat ko‘rsatgan madaniyat xodimi, shoir Yo‘ldosh Eshbekka Toshkent shahri Yashnobod tumanidan uch xonali kvartira topshirildi.
Yozuvchilar uyushmasi axborot xizmatining ma’lum qilishicha, mazkur uy-joy Prezident topshirig‘iga muvofiq ajratilgan. Poytaxt hokimi Shavkat Umrzoqov shoirga yangi xonadon kalitlarini tantanali ravishda topshirgan.
Tadbirda ijod ahlining jamiyat ma’naviy hayotidagi o‘rni, ularni qo‘llab-quvvatlashga qaratilgan davlat siyosati muhim ahamiyat kasb etishi ta’kidlandi.
