Toshkentda opa ukasi bilan uy talashib, 197 mln so‘m undirdi

Toshkentning Uchtepa tumanida yashab kelgan V.F. taqdir taqozasi bilan AVQ fuqaroligini olib, u yerda oilasi bilan yashab, ishlashni boshlagan edi.

 

Joriy yilda u onasining vafot etganini eshitib, Toshkent shahriga kelgan va onasining nomidagi uyni o‘z nomiga rasmiylashtiradi.

 

Bundan xabar topgan V.F.ning opasi V.Z. ushbu xonadonga uni ham ulushi borligini aytib, o‘rtasida nizo kelib chiqadi.Opa esa buni sud orqali hal etishni va ushbu uyga kirish, foydalanish huquqini olish maqsadida sudga daʼvo ariza kiritadi.

 

Shundan so‘ng, fuqarolik ishlari bo‘yicha Uchtepa tumanlararo sudining 30.04.2026 yildagi ijro varaqasiga asosan qarzdor V.F.dan o‘z opasi V.z. foydasiga 197 mln 296 ming so‘mlik qarzni undirish to‘g‘risidagi ijro hujjati MIB Uchtepa tuman bo‘limiga kelib tushadi.

 

Ijro harakatlari davomida, qarzdorga ijro hujjati talablarini bajarish uchun 15 (o‘n besh) kunlik ixtiyoriy muddat berilib, uning nomida bo‘lgan 1 dona ko‘chmas mulk borligi aniqlanib, band solingan.

 

MIB Davlat ijrochilari ham qarzdorga majburiy ijro etish choralari va ularning huquqiy oqibatlari batafsil tushuntirilgan.

 

Olib borilgan samarali tushuntirishlar natijasida, ijro hujjatini o‘z vaqtida ijro qilishning mohiyatini hamda qarzdorlikni to‘lamaslikning salbiy oqibatlarini to‘liq anglagan qarzdor V.Fedusov opasi V.Zinkevichga o‘sha kunning o‘zida jami 197 mln 296 ming so‘mlik qarzdorlikni to‘lab bergan.

 

Ijro hujjati bo‘yicha qarzdorlik to‘liq undirilgach, darhol undiruvchi V.Zinkevichga xabar berilgan.

 

Shundan so‘ng, undirilgan pul mablag‘lari 05.05.2026 yilda fuqaro V.Zinkevich nomiga rasmiylashtirilgan plastik kartasiga o‘tkazib berilib, ijro ishi amalda tamomlangan.