Ziroat Mirziyoyeva an’anaviy “Inson uchun” festivaliga tashrif buyurdi
Tashrif davomida O'zbekiston Birinchi xonimi ijtimoiy loyihalar, nogironligi bo‘lgan shaxslar tomonidan ishlab chiqarilgan mahsulotlar bilan tanishdi.
O'zbekiston Birinchi xonimi Toshkent shahrida o‘tkazilayotgan an’anaviy “Inson uchun” festivaliga tashrif buyurdi.
Tashrif davomida Ziroat Mirziyoyeva ijtimoiy loyihalar, nogironligi bo‘lgan shaxslar tomonidan ishlab chiqarilgan mahsulotlar, shuningdek yoshlar va oilalarni qo‘llab-quvvatlashning zamonaviy mexanizmlari bilan tanishdi.
Qayd etilishicha, festival ijtimoiy himoya, inklyuziv bandlik va aholining ehtiyojmand qatlamlarini qo‘llab-quvvatlash yo‘nalishidagi tashabbuslarni ilgari surish maqsadida davlat tashkilotlari, biznes vakillari, banklar, xalqaro va jamoat tashkilotlarini birlashtirdi.
