Farg‘onada “Sog‘liq uchun 5 ming qadam” marafoni o‘tkazildi
Vazirlik tizimi vakillari 6 ta sport turi bo‘yicha bellashdilar.
Maktabgacha va maktab ta’limi vazirligi tomonidan Farg‘ona viloyatida “Yangi O‘zbekiston — yangicha ta’lim” shiori ostida tashkil etilgan o‘quv-seminar tadbirlari doirasida “Sog‘liq uchun 5 ming qadam” marafoni o‘tkazildi.
Tadbir ishtirokchilari dastlab mas’ullar tomonidan tantanali ravishda kutib olindi. Seminar doirasida 6 ta sport turi bo‘yicha musobaqalar tashkil etilib, vazirlik tizimidagi hududiy bo‘linmalar vakillari o‘zaro bellashdilar.
Jumladan, ishtirokchilar voleybol, basketbol, futbol, stol tennisi va shaxmat kabi sport turlari bo‘yicha kuch sinashdi.
Shundan so‘ng, tadbir ishtirokchilari sog‘lom turmush tarzini targ‘ib etishga qaratilgan “Sog‘liq uchun 5 ming qadam” shiori ostidagi yurish marafonida qatnashdilar.
O‘quv-seminar tadbirlari 15-may kuni ham davom etishi rejalashtirilgan.
