Saida Mirziyoyeva Osiyo xotin-qizlari forumida Prezident murojaatini o‘qib eshittirdi
Murojaatda ayollar salohiyati va xalqaro hamkorlikning ahamiyati ta’kidlandi.
Bugun Buxoro shahrida o‘z ishini boshlagan Osiyo xotin-qizlari ikkinchi forumida O‘zbekiston Prezidenti nomidan anjuman ishtirokchilariga yo‘llangan murojaat o‘qib eshittirildi.
Murojaatni Prezident Administratsiyasi rahbari — Saida Mirziyoyeva forum qatnashchilariga yetkazdi.
Prezident murojaatida Osiyoning turli mamlakatlaridan tashrif buyurgan yetakchi ayollar — siyosatchilar, tadbirkorlar, olima va ekspertlarning yuksak kasbiy salohiyati, boy bilim va tajribasi muhim ahamiyatga ega ekani alohida ta’kidlandi.
