“O'zimni Rossiyadagi o‘zbekdek his qilyapman” — Rossiya fuqarosi Qozog‘istondagi byurokratiyani tanqid qildi

 

Olmaotada Rossiya fuqarosi ijtimoiy tarmoqlarda qo‘pol va haqoratli so‘zlar bilan video joylashtirgani uchun 10 sutkaga ma’muriy qamoqqa olindi. Bu haqda Ulysmedia.kz xabar berdi.

Ma’lumotlarga ko‘ra, video muallifi Olmaotada bank xizmatlaridan foydalanish jarayonidagi murakkab tartiblarni hissiy tarzda izohlab, o‘zini “Rossiyadagi o‘zbekka o‘xshatgan” va jarayonni tanqid qilgan. Uning nutqida qo‘pol so‘zlar ishlatilgani jamoat tartibini buzish sifatida baholangan.

Mazkur holat ijtimoiy tarmoqlarda keng muhokamalarga sabab bo‘lib, huquq-tartibot organlari tomonidan tekshiruv o‘tkazilishiga sabab bo'lgan.

Olmaota shahar ixtisoslashtirilgan tumanlararo ma’muriy sudi qaroriga ko‘ra, fuqaro “mayda bezorilik” moddasi bo‘yicha aybdor deb topilib, 10 kunlik ma’muriy qamoq jazosiga hukm qilingan.