O‘zbekiston aksiyalari ilk bor xalqaro ommaviy savdoga chiqarildi
IPO jarayonida “BlackRock”, “Franklin Resources” va “Redwheel” kabi yirik xalqaro investorlar ishtirok etdi.
O‘zbekiston tarixida ilk bor mahalliy aksiyalar xalqaro ommaviy savdoga chiqarildi. O‘zbekiston Milliy investitsiya jamg‘armasi “Franklin Templeton” bilan hamkorlikda bir vaqtning o‘zida London va Toshkent fond birjalarida IPO jarayonini boshladi.
Prezident administratsiyasi rahbari Saida Mirziyoyevaning ma’lum qilishicha, mamlakatda amalga oshirilgan iqtisodiy islohotlar natijasida iqtisodiyot hajmi uch barobar o‘sgan, investorlar uchun kafolatlar mustahkamlangan va O‘zbekiston global kapital bozori uchun yanada ochiq hamkorga aylangan.
"Mamlakatimiz IPO jarayonlarida “BlackRock”, “Franklin Resources”, “Redwheel” kabi ko‘plab yirik xalqaro investorlarning ishtirok etishi dunyo hamjamiyati tanlagan yo‘limiz, salohiyatimiz va kelajagimizga ishonch bildirayotganining yorqin isbotidir", dedi Saida Mirziyoyeva.
