Toshkentda ilk bor “Musiqa ta’limi: jahon miqyosida yagona maydon sari” xalqaro forumi start oldi

18–20 may kunlari Toshkent shahrida ilk bor “Musiqa ta’limi: jahon miqyosida yagona maydon sari” xalqaro forumi bo‘lib o‘tadi. Unda, 200 nafarga yaqin xorijiy va mahalliy ishtirokchilar qatnashmoqda.

 

                                         

Tadbir musiqa ta’limi sohasida innovatsion yondashuvlarni rivojlantirish, raqamli texnologiyalarni joriy etish va xalqaro hamkorlikni kengaytirishga qaratilgan.

 

                                             

                                     
Uch kun davom etadigan forumda 20 ga yaqin (Turkiya, Rossiya, Ozarbayjon, Qozog'iston, Qirg'iziston, Xitoy, Koreya, AQSh, Fransiya, Indoneziya, Buyuk Britaniya, Yaponiya, Kanada, Italiya, Vengriya Tojikiston va Armaniston) mamlakatdan nufuzli olimlar, tadqiqotchilar qatnashadi. Ular orasida oliy ta’lim muassasalari rektorlari, professor-o‘qituvchilar, ekspertlar ham bor.

 

                                         

Xususan, bugun 18-may kuni ushbu forumning ilk kunida “Madaniyat ta’limida sun’iy intellektning ahamiyati” mavzusida ilmiy-amaliy konferensiya o‘tkazildi. Bugungi rivojlangan dunyoda har bir sohaga sun'iy intellekt kirib kelmoqda. Shu bilan birga madaniyat sohasini ham chetlab o'tmadi.

Tadbir davomida musiqa ta’limida innovatsion va raqamli yondashuvlarni joriy etish, xalqaro akademik hamkorlikni mustahkamlash hamda yosh iste’dodlarni qo‘llab-quvvatlash masalalari muhokama qilindi.

 

                                       

Shu bilan birga konferensiyada ta’lim jarayonida sun’iy intellektdan foydalanish, o'quv jarayoniga sun'iy intellekt asosidagi kreativ platformalarni musiqa kompozitsiyasi, vizual dizayn va media san'at yo'nalishlarida integratsiya qilish, sun'iy intellekt orqali milliy musiqa cholg'ularini o'rgatishda avtomatik tovush tahlili, milliy madaniy merosni raqamlashtirish (maqom va baxshi ijodiy namunalarini arxivlash) masalalari ko‘rib chiqildi.

 

                                         

Shuningdek bugungi forumning yakunida "Tashkent city" bog'ining amfiteatr majmuasida forum ishtirokchilari uchun "OPEN AIR" gala-konserti bo'lib o'tadi. Mazkur gala-konsertda O'zbekiston davlat simfonik orkestri, O'zbekiston va xorijiy davlatlamning taniqli xonandalari ishtirok etadi. Yana bir ahamiyatli jihati ushbu gala-konsertda O'zbekiston va Ozarbayjon xalq artisti hamda rossiyalik taniqli xonanda ishtirok etishi kutilmoqda.

 

                                           

Eslatib o'tamiz, ushbu tadbir 20-maygacha davom etadi va uning yakunida musiqa ta’limini rivojlantirishga doir xalqaro hamkorlikni yanada mustahkamlash bo‘yicha takliflar ishlab chiqilishi kutilmoqda.

 

                                                                                                                                                                                                                         Shaxrizoda Abdullayeva