Andijonda kredit qarzi sabab “Equinox” xatlandi
Maʼlum bo‘lishicha, fuqaroning bankdan 275 mln qarzi bo‘lgan.
Kredit shartnomasi - ikki tomonning masʼuliyatli kelishuvi. Ammo qarz o‘z vaqtida qaytarilmasa, uning oqibati garov mol-mulki orqali qoplanishi muqarrar.
Shu kabi holat bo‘yicha Majburiy ijro byurosi Andijon viloyati boshqarmasi ish yurituviga chet el kapitali ishtirokidagi “Hamkorbank” ATB foydasiga qarzdor M.D.dan jami 275 mln so‘m undirish haqida sud hujjati kelib tushdi.
Sud qaroriga muvofiq, undiruv qarzdorga tegishli garovdagi “Equinox” rusumli avtotransport vositasiga qaratilgan.
Qarzdor tomonidan majburiyat bajarilmagani uchun ijro harakatlari olib borilib, “Equinox” avtomashinasi xatlangan.
Hozirda ushbu avtomashina elektron onlayn-auksionga sotuvga qo‘yilgan. Savdodan tushgan mablag‘ to‘liq qarzni qoplashga yo‘naltiriladi.
