Farg‘onada fuqaro 88 mln jarimasi sabab ikkita mashinasidan ayrildi
U mashinalari jarima maydonchasiga joylashtirilgandan so‘nggina jarimani to‘lashga majbur bo‘lgan.
MIB Uchko‘prik tumani bo‘limi tomonidan qarzdor b. G‘.ga nisbatan “CH.A.MOTORS” MCHJ foydasiga tegishli 2025 yil 15 avgustdagi 2 ta ijro hujjati bo‘yicha majburiy ijro harakatlari amalga oshirildi.
2025 yil 19 avgust kuni ijro ishi qo‘zg‘atildi. Davlat ijrochilari tomonidan tezkor va qatʼiy choralar ko‘rilib, qarzdorga tegishli 2 ta avtotransport vositasi aniqlandi.
Avtotransport vositalari qimmatbaho Jetour X70 Plus bo‘lib, ushbu transport vositalari jarima maydoniga olib kirildi.
Shundan so‘ng 88 385 100 so‘m qarzdorlik va 4 419 255 so‘m ijro yig‘imi to‘liq undirilib, ijro ishi amalda taʼminlangan.
