Nukusda noqonuniy qurilgan telefon do‘koni buzdirildi
Sud qaroriga ko‘ra, qurilmani majburiy buzdirish va yer maydonini dastlabki holatga keltirish belgilangan.
Nukus shahar markaziy bozori oldida joylashgan telefon va aksessuarlar sotish do‘koni Fuqarolik ishlari bo‘yicha Nukus tumanlararo sudi tomonidan noqonuniy qurilgan qurilma deb topilib, sudning 2025 yil 27 noyabr kungi qaroriga asosan ushbu qurilmani majburiy buzdirish va yer maydonini dastlabki holatga keltirish belgilangan.
Ushbu qaror bo‘yicha chiqarilgan ijro hujjat Majburiy ijro byurosi Nukus shahar bo‘limi ish yurituviga kelib tushib, bo‘lim davlat ijrochisi tomonidan ijro harakatlariga kirishilgan.
Jumladan, javobgarga noqonuniy qurilmalarni o‘z hisobidan buzishi lozimligi, sud qarori ijrosini taʼminlamaslik oqibatlari haqida bir necha marotaba tushuntirish va ogohlantirishlar berilgan.
Shunga qaramasdan, javobgar tomonidan noqonuniy qurilmalar ixtiyoriy ravishda bartaraf etilmagan. Shu sababli noqonuniy qurilmalar mutasaddi tashkilotlar ishtirokida joriy yilning 7 may kuni tegishli tartibda majburiy bartaraf etilgan.
