O‘zbekistonda biometrik pasport uchun “aqlli kabinalar” joriy etilishi mumkin
Loyiha pasport rasmiylashtirish muddatini ikki oydan 10 ish kunigacha qisqartiradi.
O‘zbekistonda biometrik pasportlarni rasmiylashtirish jarayonini soddalashtirish va tezlashtirish maqsadida zamonaviy kriptobio-kabinalarni joriy etish imkoniyati ko‘rib chiqilmoqda.
Ishlab chiqaruvchilarning ma'lumotlariga ko'ra, "aqlli kabinalar"ni nafaqat Rossiyaning ko'p funksiyali markazlarida, balki Osnovanie sertifikatlash markazining xalqaro joylarida, jumladan, O'zbekiston, Armaniston, Qozog'iston va Qirg'izistonda ham 2000 dan ortiq shunday terminallarni o‘rnatish rejalashtirilgan.
“Rodina portali” nomli loyiha doirasida Rossiya va Markaziy Osiyo mamlakatlarida tizim hujjatlarni rasmiylashtirish jarayonini sezilarli darajada tezlashtirishga xizmat qilishi mumkin.
Loyihaga ko‘ra, “aqlli kabinalar” foydalanuvchidan biometrik ma’lumotlarni avtomatik tarzda yig‘adi. Jumladan, tizim shaxsni suratga oladi, barmoq izlarini qayd etadi, ovoz namunalarini yozib oladi hamda hujjatlarni ultrabinafsha nurlar yordamida tekshiradi. Yig‘ilgan ma’lumotlar xavfsiz kanallar orqali tegishli davlat idoralariga yuboriladi.
Ishlab chiquvchilarning ma’lumotiga ko‘ra, ushbu texnologiya joriy etilishi natijasida pasport rasmiylashtirish muddati ikki oydan taxminan 10 ish kunigacha qisqarishi mumkin.
Shuningdek, mazkur tizim davlat organlarining ish yuklamasini kamaytirishi va xizmat ko‘rsatish jarayonini avtomatlashtirishga xizmat qilishi qayd etilmoqda.
Ta’kidlanishicha, qurilmalarda asosan Rossiya komponentlari va dasturiy ta’minoti qo‘llanadi hamda ularning ulushi 80 foizdan ortiqni tashkil etadi.
Loyiha xususiy investitsiyalar asosida amalga oshirilmoqda va kelgusida davlat-xususiy sheriklik asosida kengaytirilishi mumkin.
