Tramp singlisiga suiqasd rejlashtirgan iroqlik qo‘lga olindi

 

New York Post manbalariga tayanib xabar berishicha, Iroq fuqarosi bo'lgan Muhammad Bagir Saad Daud as-Saadi Donald Trampning qizi Ivanka Trampga qarshi suiqasd uyushtirishni rejalashtirganlikda gumon qilinmoqda.

 

Ma’lum qilinishicha, 32 yoshli Muhammad al-Saadi 15-may kuni Turkiya hududida qo‘lga olingan va keyinchalik AQShga ekstraditsiya qilingan. AQSh rasmiylari uning Hizbulloh brigadalari hamda Islom inqilobi qo'riqchilari korpusi bilan aloqador ekanini taxmin qilmoqda.

 

Tergov ma’lumotlariga ko‘ra, gumondor 2020-yilda Qosim Sulaymoniyning Bag‘dodda o‘ldirilishi uchun qasos olish maqsadida Ivanka Trampni nishonga olishni rejalashtirgan. General Sulaymoniy AQShning maxsus amaliyoti davomida yo‘q qilingan edi.

 

Nashr yozishicha, Muhammad al-Saadi o‘zining rejalari haqida avval ham ijtimoiy tarmoqlarda ochiq ishoralar bergan. Xususan, 2021-yilda u Ivanka Tramp va uning turmush o‘rtog‘i Jared Kushner yashaydigan hudud aks etgan Florida xaritasini e’lon qilgan. Postda “Hozir kuzatuv va tahlil bosqichidamiz. Qasos — vaqt masalasi” degan mazmundagi yozuv ham bo‘lgani aytilmoqda.

 

Shuningdek, manbalarga ko‘ra, gumondorda Ivanka Trampning yashash manzili va uy chizmalari bilan bog‘liq materiallar ham bo‘lgan. U Iroqning rasmiy pasportidan foydalangani sababli bir qator davlatlarga erkin kirib-chiqish imkoniga ega bo‘lgani qayd etilgan.

 

AQSh Adliya vazirligi ma’lumotlariga ko‘ra, Muhammad al-Saadi Yevropa va AQSh hududlarida sodir etilgan qator hujumlar hamda hujumlarga urinishlarda ham gumon qilinmoqda. Jumladan, Amsterdamdagi bank binosiga o‘t qo‘yish, Torontodagi AQSh konsulligi yaqinidagi otishma va Londonda ikki yahudiyga pichoq bilan hujum qilish holatlari tergov doirasida o‘rganilmoqda.

 

Hozirda mazkur ish yuzasidan keng ko‘lamli tergov harakatlari davom ettirilmoqda.