Namanganda Media haftalik yakunlandi
Haftalik davomida sun’iy intellekt, faktcheking va zamonaviy kommunikatsiyalar mavzularida muhokamalar o‘tkazildi.
Namangan shahrida tashkil etilgan media haftaligi o‘z yakuniga yetdi. Tadbir doirasida media sohasining turli yo‘nalishlariga bag‘ishlangan uchrashuv va muhokamalar o‘tkazildi.
Haftalik davomida ishtirokchilar strategik kommunikatsiyalar, sun’iy intellekt imkoniyatlari, faktcheking, vizual storytelling hamda zamonaviy media tendensiyalariga oid mavzularda fikr almashdi.
Tashkilotchilarga ko‘ra, tadbir Namanganning nafaqat gullar shahri, balki kreativ g‘oyalar va zamonaviy kommunikatsiyalar markazi sifatidagi salohiyatini ham namoyon qildi.
Media forumning navbatdagi bosqichi 1–5-iyun kunlari Andijonda o‘tkaziladi.
