Farg‘onada MIB orqali kelin seplarini qaytarib oldi
Ijro harakati davomida 63 mln so‘mlik mol-mulk qaytarilgan.
FIB Marg‘ilon tumanlararo sudining 12.05.2026 yildagi ijro varaqasiga asosan Byuroning Toshloq tuman bo‘limi tomonidan ijro harakatlari amalga oshirildi.
Ijro hujjatiga ko‘ra, javobgar R.H. tomonidan yashash manzilida saqlanayotgan hamda foydalanilayotgan mol-mulklarni qonuniy egasi N.A.ga topshirish belgilangan.
Olib borilgan ijro harakatlari davomida daʼvogar tomonidan ko‘rsatilgan uy-ro‘zg‘or jihozlari, bolalar anjomlari, kiyim-kechaklar va boshqa maishiy buyumlar xatlov qilinib, ro‘yxatga olindi.
Natijada umumiy qiymati 63 365 000 so‘mlik 50 turdagi mol-mulklar qonuniy egasiga topshirilishi taʼminlangan. Ijro harakatlari qonun talablari asosida, belgilangan tartibda amalga oshirildi.
