Isroil Bosh vaziri Netanyaxu kasalxonaga yotqizildi
U Quddusdagi Xadassa Eyn Kerem tibbiyot markaziga olib ketilgan.
Isroil Bosh vaziri Benyamin Netanyaxu Quddus shahrida joylashgan tibbiyot muassasasiga yotqizildi.
“Times of Israel” nashrining Isroil Bosh vaziri devoniga tayanib xabar berishicha, Netanyaxu 25-may kuni kechqurun Quddusdagi Xadassa Eyn Kerem tibbiyot markaziga olib ketilgan.
Ma’lumotlarga ko‘ra, Isroil hukumati rahbari hozirda shifokorlar nazoratida bo‘lib, unga aniqlanmagan stomatologik tibbiy muolaja o‘tkazilmoqda. Rasmiy bayonotda uning holati barqaror ekani, zarur tibbiy yordam ko‘rsatilayotgani qayd etilgan.
Shu bilan birga, nashrlar Netanyaxuning sog‘lig‘i so‘nggi yillarda jamoatchilik va ommaviy axborot vositalari tomonidan muntazam kuzatib kelinayotganini ta’kidlaydi. Fuqarolar orasida uning sog‘lig‘i bo‘yicha turli taxminlar va savollar ham paydo bo‘lgan.
Avvalroq Isroil Bosh vaziri prostata bezida aniqlangan xavfli o‘sma sababli jarrohlik amaliyotini boshdan kechirgan edi. Shifokorlar muntazam tekshiruvlar davomida kichik o‘lchamdagi o‘zgarishni aniqlagan va u muvaffaqiyatli olib tashlangan.
Bundan tashqari, Netanyaxuga ilgari yurak stimulyatori o‘rnatilgani ham ma’lum qilingan.
