AQShda 2026-yil boshidan buyon 5 mingdan ortiq odam otishmalar oqibatida halok bo‘ldi
Yil boshidan buyon mamlakatda 158 ta ommaviy otishma holati qayd etildi.
Qo‘shma Shtatlarda 2026-yil boshidan buyon sodir bo‘lgan otishma hodisalari oqibatida 5 mingdan ortiq odam halok bo‘lgan. Bu haqda “Gun Violence Archive” nodavlat tashkiloti ma’lumot berdi, deydi TASS.
Qayd etilishicha, 26-may holatiga ko‘ra, mamlakat bo‘ylab o‘qotar qurollar bilan bog‘liq hodisalarda 9038 kishi turli darajadagi jarohatlar olgan, 5048 kishi esa vafot etgan.
Tashkilot hisob-kitoblariga ko‘ra, 2026-yil davomida AQShda 158 ta ommaviy otishma holati qayd etilgan. Bu ko‘rsatkich o‘tgan yilning shu davriga nisbatan 38 taga kam ekani ta’kidlandi.
Eslatib o‘tamiz, 23-may kuni kechqurun Vashingtondagi Oq uy yaqinida ham otishma sodir bo‘lgan edi. Ma’lumotlarga ko‘ra, bir shaxs sumkasidan qurol chiqarib, xavfsizlik nazorat punkti yaqinida o‘t ochgan.
Maxfiy xizmat xodimlari javob tariqasida qurol ishlatgan. Hujumchi kasalxonaga olib ketilgan, biroq keyinchalik vafot etgan.
