Saida Mirziyoyeva Avstriya parlamentida kengash raislari bilan uchrashuv o‘tkazdi
Uchrashuvlarda O‘zbekiston va Avstriya o‘rtasidagi hamkorlikni kengaytirish masalalari muhokama qilindi.
Avstriya parlamentida Saida Mirziyoyeva Federal kengash raisi Markus Shtotter hamda Milliy kengash raisi Valter Rozenkrans bilan uchrashuvlar o‘tkazdi.
Uchrashuvlar davomida ikki tomonlama munosabatlarning bugungi holati va istiqbollari, shuningdek, o‘zaro manfaatli yo‘nalishlarda hamkorlikni kengaytirish masalalari yuzasidan fikr almashildi.
Muloqot chog‘ida O‘zbekistonda amalga oshirilayotgan islohotlar, xususan, jamiyatni demokratlashtirish hamda davlat boshqaruvini modernizatsiya qilish jarayonlariga alohida e’tibor qaratildi.
