AQSHda noqonuniy poyga uyushtirgan o‘zbekistonliklar qo‘lga olindi
Hodisa bo‘yicha Audi, BMW, Ford Mustang hamda Dodge Challenger rusumli avtomobillar jarima maydoniga olib ketilgan.
AQSHning Sinsinnati shahridagi Paycor stadioni yaqinida noqonuniy ko‘cha poygasi tashkil etilgani haqidagi xabardan so‘ng politsiya tomonidan olti nafar shaxs qo‘lga olindi. Fox19 ma’lumotlariga ko‘ra, ular orasida O‘zbekiston fuqarolari ham bor.
Qayd etilishicha, stadion xavfsizlik xizmati hududda shubhali harakatlar kuzatilayotgani yuzasidan huquqni muhofaza qiluvchi organlarga murojaat qilgan. Tekshiruv davomida bir necha shaxslar stadion hududiga noqonuniy kirgani va ayrim holatlarda noqonuniy ko‘cha poygasini tashkil etgani aniqlangan.
Hodisa bo‘yicha Audi, BMW, Ford Mustang hamda Dodge Challenger rusumli avtomobillar jarima maydoniga joylashtirilgan.
Hozirda ish bo‘yicha tergov harakatlari olib borilmoqda. Gumonlanuvchilarga nisbatan qonunchilikda belgilangan tartibda jazo choralari qo‘llanilishi mumkin.
Hozircha qo‘lga olingan shaxslarning aybi sud tomonidan to‘liq isbotlangani haqida rasmiy ma’lumot berilmagan.
