Saida Mirziyoyeva Avstriya Federal kansleri bilan uchrashdi
Kristian Shtoker bilan O‘zbekiston–Yevropa hamkorligi muhokama qilindi.
O‘zbekiston Prezidenti administratsiyasi rahbari Saida Mirziyoyeva Kristian Shtoker bilan uchrashuv o‘tkazdi.
Mirziyoyevaning ma’lum qilishicha, muloqot chog‘ida O‘zbekiston va Avstriya o‘rtasidagi munosabatlarni rivojlantirish, siyosiy muloqotni mustahkamlash, shuningdek, savdo-iqtisodiy hamda madaniy-gumanitar hamkorlikni kengaytirish masalalari muhokama qilingan.
Tomonlar, shuningdek, O‘zbekistonning Yevropa Ittifoqi bilan aloqalari hamda qo‘shma loyihalarni amalga oshirishning yangi imkoniyatlari yuzasidan fikr almashgan.
O‘zaro ishonch va hurmat ruhidagi sheriklikni yanada kengaytirishdan har ikki tomon ham manfaatdor ekani taʼkidlandi.
