O‘zbek–Turk mediaforumi doirasida KGK vakillari bilan uchrashuv o‘tkazildi
Global Jurnalistlar Kengashi 80 dan ortiq mamlakatda faoliyat yuritadi.
O‘zbekiston Jurnalistlar uyushmasida O‘zbek–Turk mediaforumi doirasida O‘zbekistonga tashrif buyurgan Global Jurnalistlar Kengashi (KGK) delegatsiyasi bilan uchrashuv bo‘lib o‘tdi.
Tadbir davomida mehmonlarga O‘zbekistonda media sohasini rivojlantirish bo‘yicha amalga oshirilayotgan keng ko‘lamli islohotlar hamda bu jarayonlarda O‘zbekiston Jurnalistlar uyushmasining o‘rni va faoliyati haqida batafsil ma’lumot berildi.
Muloqot chog‘ida KGK prezidenti Mehmet Ali Dim, KGK faxriy asoschisi va faxriy jurnalist Yavuz Donat, shuningdek KGK Xorijiy Media Kengashi prezidenti va Ozarbayjon Jurnalistlar uyushmasi vitse-prezidenti Elshad Eyvazli O‘zbekistonda jurnalistlar uchun yaratilayotgan sharoitlarni yuqori baholadilar.
Shuningdek, ular O‘zbekiston Jurnalistlar uyushmasi bilan hamkorlik aloqalarini yo‘lga qo‘yish va kelgusida qo‘shma loyihalarni amalga oshirishga qiziqish bildirdilar.
Ma’lumot uchun, Global Jurnalistlar Kengashi dunyoning 80 dan ortiq mamlakatida o‘z vakillariga ega bo‘lgan xalqaro media tuzilma hisoblanadi.
