Markaziy Osiyodagi ilk bepul media bank ishga tushirildi
Aura .uz platformasida 12 mingdan ortiq professional foto, video va infografik materiallar jamlangan bo‘lib, baza har kuni yangi kontentlar bilan boyitib borilmoqda.
O‘zbekistonda vizual kontentlar jamlangan Aura.uz media platformasi faoliyat yuritmoqda. Platformada mamlakatning tarixiy obidalari, tabiiy maskanlari, zamonaviy shaharlari, milliy an’analari, sport va madaniy hayotiga oid foto, video hamda infografik materiallar to‘plangan.
Ma’lum qilinishicha, hozirda platforma bazasida 12 mingdan ortiq professional foto, video va infografik material mavjud. Shuningdek, serverlarda 6 terabaytdan ziyod ma’lumotlar bazasi shakllantirilgan.
Platforma muntazam ravishda yangi materiallar bilan boyitib borilmoqda. O‘rtacha har kuni 200 ga yaqin yangi kontent joylashtirilishi qayd etilgan.
Aura.uz’dan jurnalistlar, blogerlar, dizaynerlar, SMM mutaxassislari va boshqa kontent yaratuvchilari foydalanishi mumkin. Materiallar HD, Full HD va 4K formatlarida taqdim etiladi.
