Toshkentda MIB orqali suvdan 7,6 mlrd so‘mlik zarar undirildi
Shu tariqa ijro ishi tamomlanib, qarzdorlik to‘liq qoplab berildi.
Majburiy ijro byurosining Yakkasaroy tuman bo‘limi tomonidan yirik miqdordagi qarzdorlikni undirish bo‘yicha olib borilgan majburiy ijro harakatlari natijasida davlat manfaatlari ta’minlandi.
Jumladan, Toshkent tumanlararo iqtisodiy sudining ijro varaqasiga asosan qarzdor “P” korxonadan undiruvchi “TOSHKENT SHAHAR SUV TA’MINOTI” AJ foydasiga jami 10 mlrd 664 mln 640 ming so‘m miqdorida yetkazilgan zararni undirish belgilangan.
Mazkur ijro hujjati Byuroning Yakkasaroy tuman bo‘limi ish yurituviga kelib tushgach, qonunchilik talablariga muvofiq ijro ishi qo‘zg‘atilib, qarzdorga ixtiyoriy muddat berilgan hamda tegishli talabnomalar yuborilgan.
Shundan so‘ng davlat ijrochisi tomonidan qarzdorning mol-mulklarini aniqlash va xatlash bo‘yicha majburiy ijro harakatlari olib borilgan. Ko‘rilgan ta’sir choralari natijasida qarzdor korxona tomonidan 2026 yil 3 iyun kuni qoldiq 7 milliard 326 million 276 ming 168 so‘m mablag‘ to‘liq to‘lab berildi.
Natijada suv ta’minoti xizmatlaridan yuzaga kelgan 7 milliard so‘mdan ortiq qarzdorlik to‘liq qoplanib, sud hujjati ijrosi amalda ta’minlandi va ijro ishi tamomlandi.
