Farg‘onada soliqdan qarzdor fermerlarning mashinalari xatlanmoqda
Endilikda mazkur mulklarni realizatsiya qilish orqali davlat byudjeti oldidagi qarzdorlikni qoplash choralari ko‘riladi.
Beshariq tumanida davlat byudjeti oldidagi qarzdorlik qimmatga tushdi. Majburiy ijro byurosi tomonidan olib borilgan reyd tadbirlari davomida qarzdor fermer xo‘jaliklariga tegishli avtotransport vositalari xatlanib, jarima maydoniga joylashtirildi.
Ma’lum bo‘lishicha, “Q.Q.” fermer xo‘jaligining soliq va boshqa majburiy to‘lovlardan qarzi 225 million 534 ming so‘m, “Ya.R.” fermer xo‘jaligining qarzi esa 280 million so‘mga yetgan.
MIB davlat ijrochilari tomonidan YPX xodimlari bilan hamkorlikda o‘tkazilgan tadbir davomida qarzdor xo‘jaliklar balansidagi transport vositalari aniqlanib, belgilangan tartibda xatlangan va jarima maydoniga olib ketilgan.
Endilikda mazkur mulklarni realizatsiya qilish orqali davlat byudjeti oldidagi qarzdorlikni qoplash choralari ko‘rilmoqda.
