DXX kubogi: Toshkent shahar bosqichiga qur’a tashlandi
Mazkur bosqichda katta futbol yo‘nalishida 192 nafar, mini-futbol bo‘yicha esa 120 nafar o‘g‘il bolalar va 120 nafar qizlar g‘oliblik uchun kurash olib boradi.
Davlat xavfsizlik xizmati kubogi musobaqasining Toshkent shahar bosqichiga qur’a tashlash marosimi bo‘lib o‘tdi. Tadbir davomida musobaqaning tuman bosqichlari sarhisob qilinib, unda 15 mingdan ortiq yosh futbolchilar ishtirok etgani ta’kidlandi.
Qayd etilishicha, musobaqa nafaqat ishtirokchilar, balki ularning ota-onalari, yaqinlari va minglab muxlislarni ham birlashtirib, hududlarda katta sport bayramiga aylandi.
Endilikda Toshkent shahar bosqichida yosh futbolchilar o‘z mahoratini namoyish etadilar.
Mazkur bosqichda katta futbol yo‘nalishida 192 nafar, mini-futbol bo‘yicha esa 120 nafar o‘g‘il bolalar va 120 nafar qizlar g‘oliblik uchun kurash olib boradi.
Qur’a tashlash marosimini O‘zbekiston Professional futbol ligasi vakili Sherzod Rajabov olib bordi. Unga ko‘ra, har bir yo‘nalishda 12 tadan jamoa ishtirok etadi va qur’a natijasida 6 tadan juftlik shakllantirildi.
Qizlar o‘rtasidagi mini-futbol juftliklari:
Uchtepa – Yangihayot
Yakkasaroy – Yashnobod
Shayxontohur – Mirobod
Olmazor – Chilonzor
Bektemir – Mirzo Ulug‘bek
Sergeli – Yunusobod
O‘g‘il bolalar o‘rtasidagi mini-futbol juftliklari:
Mirzo Ulug‘bek – Sergeli
Uchtepa – Yashnobod
Olmazor – Yunusobod
Shayxontohur – Yakkasaroy
Bektemir – Mirobod
Yangihayot – Chilonzor
Futbol bo‘yicha juftliklar:
Sergeli – Mirobod
Yangihayot – Uchtepa
Chilonzor – Olmazor
Shayxontohur – Yashnobod
Yakkasaroy – Yunusobod
Mirzo Ulug‘bek – Bektemir
Shu tariqa, DXX kubogining Toshkent shahar bosqichida ishtirok etuvchi jamoalar o‘z raqiblarini bilib oldi. Endi yosh futbolchilar poytaxt miqyosidagi bahslarda g‘oliblik uchun kurash olib boradilar.
