Farg‘onada dahshatli yong‘in sodir bo‘ldi: qurbonlar bor
Dastlabki ma’lumotlarga ko‘ra, 3 ta mashina butunlay yonib ketgan.
Farg‘ona viloyatining Yozyavon tumanida yirik yong‘in sodir bo‘ldi. Bu haqida FVV axborot xizmati xabar berdi.
Qayd etilishicha, 16-iyun kuni soat 22:16 da Yozyavon tumani “Soy bo‘yi” MFY hududida avtomobil yonayotganligi to‘g‘risida xabar kelib tushgan.
Xabarga asosan, qutqaruv bo‘linmalari tezkorlik bilan voqea joyiga yetib borib, yong‘inni bartaraf etishgan.
Dastlabki ma’lumotlarga ko‘ra, “Soy bo‘yi” MFYda joylashgan noturar qarovsiz binoning 60 kvadrat metr maydoni va 3 ta avtomobil yonib zararlangan.
Hodisa oqibatida 2 nafar fuqaro halok bo‘lgan, 3 nafar fuqaro esa turli darajadagi tan jarohatlari bilan shifoxonaga yuborilgan.
Voqea joyiga viloyat FVB rahbariyati, tuman FVB mas’ul xodimlari va hamkorlikdagi xizmatlar mas’ullari chiqishgan.
Ayni paytda yong‘in sababi va zarari aniqlanmoqda.
