Investitsiya forumida "O'rta koridor" kelajagi muhokama qilinmoqda
Xalqaro forumda so‘zga chiqqan ma’ruzachilar “O‘rta koridor”ni rivojlantirish nafaqat mintaqa uchun balki xalqaro hamjamiyat uchun muhimligini aytmoqda.
V Xalqaro Investitsiya forumida “O’rta karidorni rivojlantirish” bo‘yicha uchrashuv bo‘lib o‘tmoqda. Bu haqda Zamon.uz muxbiri Shohjahon Majidov voqea joyidan xabar bermoqda.
Ma’ruzachilarga ko‘ra, bu koridor O‘zbekistonning dengizga chiqish imkoni bo‘lmagan mamlakatdan iqtisodi rivojlangan mamlakat qatoriga olib chiqadi.
Mazkur koridorga hozirgi vaqtda investor mamlakatlarda milliardlab dollar jalb qilingan.
Boshqaruvchi direktor Darren Spinkning aytishicha, mazkur koridor O‘zbekiston uchun ham iqtisodiy ham strategik jihatdan muhim hisoblanadi.
Uning aytishicha, mazkur koridorni rivojlantirish uchun dastlab Navoiy viloyatini rivojlantirish kerak. Chunki viloyat mamlakatlar o‘rtasidagi muhim qism hisoblanadi.
Ma’ruzachilariga ko'ra, O‘rta koridor” nafaqat Markaziy Osiyo uchun balki butun xalqaro hamjamiyat uchun muhim hisoblanadi.
Jahon Bankining Markaziy Osiyo bo‘yicha mutaxassisi Winnie Wang Weining aytishicha, mintaqa mamlakatlari chegaralaridagi ma’lumotlarning almashishidagi kamchiliklar bu koridorning rivojlanishiga salbiy ta’sir qilmoqda.
