Samarqandda MIB orqali qidiruvdagi Tracker-2 topildi
Maʼlum bo‘lishicha, fuqaroning bankdan 220 million so‘m qarzi bo‘lgan.
Majburiy ijro byurosi Samarqand viloyat boshqarmasi Qidiruv shoʻbasi xodimlari tomonidan o‘tkazilgan navbatdagi tezkor qidiruv tadbiri davomida qarzdorlik bo‘yicha qidiruvda bo‘lgan garovdagi avtotransport vositasi aniqlandi.
Ijro hujjatlariga ko‘ra, qarzdor shaxsdan “Kapitalbank” ATB foydasiga 220 million so‘m qarzdorlikni undirish belgilangan. Sud hujjati ijrosini taʼminlash maqsadida unga tegishli bo‘lgan garovdagi “Tracker 2” rusumli avtotransport vositasiga qidiruv eʼlon qilingan edi.
Tezkor tadbirlar jarayonida mazkur avtomashina uzoq vaqt davomida ko‘zdan panada saqlab kelingani maʼlum bo‘ldi. Xususan, transport vositasini bir yildan ortiq muddat davomida qo‘shnisining xonadonida yashirishga uringani aniqlandi. Biroq olib borilgan izchil qidiruv ishlari natijasida avtomashinaning joylashuv o‘rni aniqlandi.
Qidiruv xodimlarining tezkor va muvofiqlashtirilgan harakatlari natijasida avtotransport vositasi xatlanib, vaqtincha saqlash uchun jarima maydonchasiga joylashtirildi.
Ayni vaqtda ijro hujjatlari talablarini taʼminlash hamda qarzdorlikni undirish bo‘yicha tegishli ijro harakatlari davom ettirilmoqda.
Qidiruv xodimlarining tezkor va muvofiqlashtirilgan harakatlari natijasida avtotransport vositasi xatlanib, vaqtincha saqlash uchun jarima maydonchasiga joylashtirilgan.
Ayni vaqtda ijro hujjatlari talablarini taʼminlash hamda qarzdorlikni undirish bo‘yicha tegishli ijro harakatlari davom ettirilmoqda.
