Andijondagi yog‘och omborida yong‘in chiqdi
Andijon tumanida sodir bo‘lgan yong‘in qariyb ikki soat ichida bartaraf etildi.
Andijon viloyati Andijon tumanidagi yog‘och omborida yong‘in sodir bo‘ldi. Andijon FVB xabar berdi.
Favqulodda vaziyatlar boshqarmasi ma’lumotiga ko‘ra, 21-iyun kuni soat 20:10 da 112 tizimi orqali Andijon tumani Mard mahalla fuqarolar yig‘inida joylashgan yog‘och omborida yong‘in yuz bergani haqida xabar kelib tushgan.
Xabarga asosan yong‘in-qutqaruv bo‘linmalari voqea joyiga zudlik bilan yetib borib, yong‘inni bartaraf etish ishlariga kirishgan. Yong‘inni o‘chirish uchun zarur kuch va vositalar safarbar etilgan.
Ma’lum qilinishicha, yong‘in oqibatida tan jarohati olganlar qayd etilmagan. Yong‘in soat 21:55 da to‘liq o‘chirildi. Hozirda hodisa joyida sovitish ishlari olib borilmoqda.
