Bo‘stonliqda kanalga tushib ketgan bolalardan birining jasadi topildi
G‘avvos-qutqaruvchilar ikkinchi bolani qidirish ishlarini davom ettirmoqda.
Toshkent viloyati Favqulodda vaziyatlar bosh boshqarmasi Bo‘stonliq tumanida sodir bo‘lgan baxtsiz hodisa yuzasidan ma’lumot berdi.
Qayd etilishicha, 17-iyun kuni “Obod” mahalla fuqarolar yig‘ini hududida yashovchi 2016 va 2018-yillarda tug‘ilgan ikki nafar voyaga yetmagan bola yashash uyi yaqinidan oqib o‘tuvchi Bo‘zsuv kanaliga ehtiyotsizlik oqibatida tushib ketgan.
Hodisa yuzasidan favqulodda xizmatlarga xabar berilgan va darhol qidiruv-qutqaruv ishlari boshlangan.
21-iyun kuni g‘avvos-qutqaruvchilar tomonidan o‘tkazilgan qidiruv ishlari natijasida bir nafar bolaning jasadi suvdan topilgan.
Hozirda ikkinchi bolani qidirib topish bo‘yicha g‘avvos-qutqaruvchilar ishtirokida qidiruv-qutqaruv ishlari uzluksiz davom ettirilmoqda.
