Andijonda kredit qarzi sabab turarjoy xatlandi
Maʼlum bo‘lishicha, fuqaroning bankdan 325 mln qarzi bo‘lib, uni to‘lamay kelgan.
Fuqarolik ishlari bo‘yicha Andijon tumanlararo sudining ijro hujjatiga muvofiq, fuqaro O.M.dan undiruvchi “O‘ZSANOATQURILISH BANK” ATB foydasiga jami 325,5 million so‘m kredit qarzini undirish belgilangan. Shuningdek, qarzdor tomonidan majburiyat bajarilmagan taqdirda undiruv turar-joyga qaratilishi qayd etilgan.
Qarzdorlar boshqarma xodimlari tomonidan ijro hujjati talablarini bajarishi yuzasidan ogohlantirilgan bo‘lsa-da, kredit qarzlarini to‘lamasdan kelgan.
Shu sababli, qonunchilik talablariga muvofiq, javobgarga tegishli bo‘lgan Andijon shahar, Andijon mahallasidagi ko‘p qavatli turar-joy xonadoni xatlandi.
