G‘uzorda jarimasini to‘lamagan haydovchining 3 ta mashinasi xatlandi
Maʼlum bo‘lishicha, fuqaroning 50 mln so‘mdan ortiq qarzi bo‘lgan.
Qarzdorlikni o‘z vaqtida bartaraf etmaslik qanday oqibatlarga olib kelishi mumkinligi yana bir bor amalda o‘z tasdig‘ini topdi.
Majburiy ijro byurosi G‘uzor tuman bo‘limi tomonidan kommunal xizmatlardan bo‘lgan qarzdorlik hamda YHXBning 79 ta maʼmuriy jarimalari bo‘yicha 51 million so‘mlik qarzdorlikni undirish yuzasidan majburiy ijro harakatlari olib borildi.
Ijro harakatlari davomida qarzdorning yashash xonadoni tekshirilib, unga tegishli bo‘lgan Malibu, Gentra va Cobalt rusumli avtomashinalar xatlandi hamda maxsus jarima maydonchasiga joylashtirildi.
Qonun talablariga ko‘ra, belgilangan muddatlarda qarzdorlik ixtiyoriy ravishda to‘lanmagan hollarda davlat ijrochilari tomonidan mol-mulkni xatlash, transport vositalarini jarima maydonchasiga joylashtirish va boshqa majburiy ijro choralari qo‘llaniladi.
