Samarqandda noqonuniy qurilgan do‘kon olib tashlandi
Hudud MIB orqali to‘liq bo‘shatilib, belgilangan tartibda foydalanish uchun qayta tiklangan.
Samarqandda faoliyat olib borgan Smart savdo do‘koni noqonuniy tarzda o‘rnatilganligi maʼlum bo‘ldi.
Majburiy ijro byurosining Samarqand shahar bo‘limi tomonidan sud hujjati ijrosini taʼminlash yuzasidan navbatdagi majburiy ijro harakatlari amalga oshirildi.
Ijro hujjatiga asosan, qarzdor D.I. tomonidan noqonuniy ravishda o‘rnatilgan qurilma konteynerni olib tashlash va egallab olingan hududni bo‘shatish belgilangan edi. Sud qarori talablari ixtiyoriy ravishda bajarilmaganligi sababli davlat ijrochilari tomonidan tegishli tashkilotlar vakillari ishtirokida majburiy ijro harakatlari o‘tkazildi.
Natijada noqonuniy o‘rnatilgan qurilma konteyner olib tashlanib, hudud to‘liq bo‘shatildi hamda belgilangan tartibda foydalanish uchun qayta tiklandi.
