Moody’s O‘zbekistonning kredit reytingini “Ba2” darajasiga ko‘tardi
Saida Mirziyoyeva buni mamlakat iqtisodiy islohotlarining muhim natijasi sifatida baholadi.
Xalqaro reyting agentligi Moody’s Ratings O‘zbekistonning suveren kredit reytingini bir pog‘ona yuqoriga oshirib, uni “barqaror” prognoz bilan “Ba2” darajasida baholadi. Bu haqda Saida Mirziyoyeva o‘z sahifasida ma’lum qildi.
Uning ta’kidlashicha, mazkur natija Prezident rahbarligida mamlakat iqtisodiy salohiyatini mustahkamlash bo‘yicha amalga oshirilayotgan tizimli islohotlar samarasi hisoblanadi.
Saida Mirziyoyeva kredit reytingining yaxshilanishi amaliy jihatdan yanada qulay shartlardagi investitsiyalarni jalb etish, arzonroq moliyaviy resurslardan foydalanish imkoniyatlari, yangi korxonalar tashkil etilishi va qo‘shimcha ish o‘rinlari yaratilishini anglatishini qayd etdi.
Shuningdek, u O‘zbekistonda kuchli, ochiq va raqobatbardosh iqtisodiyotni barpo etish hamda fuqarolar uchun munosib kelajakni ta’minlash yo‘lidagi ishlar davom ettirilishini ta’kidladi.
