Mug‘om san’ati milliy o‘zlikni mustahkamlovchi bebaho meros — Adil Karimli
Ozarbayjon madaniyat vaziri Adil Karimli III Xalqaro Maqom san’ati forumi doirasida tashkil etilgan ilmiy-amaliy konferensiyada ma’ruza qildi.
24-iyun kuni Ozarbayjon Respublikasi madaniyat vaziri Adil Karimli Namangan shahrida o‘tkazilayotgan III Xalqaro Maqom san’ati forumi doirasida “Sharq maqomining yangi tendensiyalari: an’ana va innovatsiyaning o‘zaro aloqadorligi” mavzusidagi xalqaro ilmiy-amaliy konferensiya ishtirok etdi.
Mazkur anjumanda o‘z ma’ruzasida Adil Karimli mug‘om san’atining xalqning milliy-madaniy o‘zligini shakllantirish va mustahkamlashdagi alohida ahamiyatiga to‘xtaldi.
Vazir Ozarbayjon Prezidenti Ilham Aliyev tomonidan mamlakat madaniyati, xususan, mug‘om san’atini rivojlantirish va keng targ‘ib etishga doimiy e’tibor qaratib kelinayotganini ta’kidladi.
Shuningdek, Ozarbayjon Respublikasining Birinchi vitse-prezidenti Mehriban Aliyeva rahbarligidagi Heydar Aliyev Foundation tomonidan mug‘om san’atini asrab-avaylash, uni xalqaro miqyosda ommalashtirish va yosh avlodga yetkazishga qaratilgan qator madaniy loyihalar amalga oshirilayotgani qayd etildi.
Ta’kidlanishicha, bunday xalqaro forumlar maqom va mug‘om kabi noyob musiqiy meroslarni ilmiy o‘rganish, tajriba almashish hamda madaniy aloqalarni mustahkamlash uchun muhim maydon vazifasini o‘tamoqda.
