Saida Mirziyoyeva AQSH savdo vakili bilan uchrashuv o‘tkazdi
Saida Mirziyoyeva yaqin kunlarda o‘zaro savdo va investitsiyalarni rag‘batlantirish to‘g‘risidagi bitim imzolanishi kutilayotganini ma’lum qildi.
Prezident administratsiyasi rahbari Saida Mirziyoyeva Toshkentda AQSH savdo vakili, elchi Jeymison Grir bilan uchrashuv o‘tkazganini ma’lum qildi.
Uning ta’kidlashicha, so‘nggi bir yil davomida ikki tomonlama hamkorlik doirasida salmoqli ishlar amalga oshirilgan va buning natijasida O‘zbekiston hamda AQSH o‘rtasidagi aloqalar yangi bosqichga ko‘tarilgan.
Saida Mirziyoyeva yaqin kunlarda o‘zaro savdo va investitsiyalarni rag‘batlantirish to‘g‘risidagi bitim imzolanishi kutilayotganini ham qayd etdi.
Shuningdek, u AQSH savdo vakiliga O‘zbekistonga va ikki tomonlama hamkorlikni rivojlantirishga qaratilgan e’tibori uchun minnatdorlik bildirdi.
