Andijonda ota farzandlari uchun 442 million aliment to‘ladi
Erkak shu tariqa qarzni to‘liq ravishda to‘lab berib, sud hujjati ijrosi to‘liq taʼminlangan.
Fuqarolik ishlari bo‘yicha Andijon tumanlararo sudining sud buyrug‘iga asosan qarzdor B.O.dan undiruvchi B.M. foydasiga 3 nafar farzandlarining moddiy taʼminoti uchun aliment undirish belgilangan.
Ijro hujjati Majburiy ijro byurosi Andijon tumani bo‘limi ish yurituviga kelib tushgach, qonunda belgilangan ijro harakatlari amalga oshirilgan.
Ijro jarayonida qarzdor ota o‘z farzandlarining 18 yoshga to‘lguniga qadar hisoblangan 441,9 mln so‘m aliment to‘lovlarini oldindan to‘lash istagini bildirib, qarzni to‘liq ravishda to‘lab berib, sud hujjati ijrosi to‘liq taʼminlangan.
Mazkur mablag‘ farzandlarning taʼlim olishi, sog‘lom o‘sib ulg‘ayishi va munosib hayot kechirishi uchun muhim moliyaviy tayanch bo‘lib xizmat qiladi.
