Yevropa Ittifoqi Venesuelaga 5 mln yevro ajratdi
YI mamlakatga yordam sifatida qidiruv-qutqaruv guruhlari va tibbiyot xodimlarini safarbar qildi.
Yevropa Ittifoqi Venesuelada sodir bo‘lgan vayronkor zilzilalar oqibatlarini bartaraf etish maqsadida 5 million yevro miqdorida favqulodda yordam ajratdi. Bu haqda Yevropa Ittifoqining tashqi ishlar va xavfsizlik siyosati bo‘yicha oliy vakili Kaja Kallas ma’lum qildi.
Qayd etilishicha, Yevropa Ittifoqi zarar ko‘rgan hududlarni qo‘llab-quvvatlash maqsadida Fuqarolik himoyasi mexanizmini ham ishga tushirgan. Uning doirasida bir qator a’zo davlatlar qidiruv-qutqaruv guruhlari, o‘t o‘chiruvchilar hamda tibbiyot xodimlarini Venesuelaga yuborgan.
Kaja Kallas Venesuela vaqtinchalik prezidenti Delsi Rodriges bilan o‘tkazilgan muloqotdan so‘ng zilzila qurbonlarining yaqinlariga hamdardlik bildirib, Yevropa Ittifoqi Venesuela xalqi bilan birdam ekanini ta’kidlagan.
