Saida Mirziyoyeva YUNESKO bosh direktori bilan uchrashdi
Uchrashuvda YUNESKO Bosh konferensiyasining 43-sessiyasi doirasida erishilgan kelishuvlar ijrosi va strategik hamkorlikning ustuvor yo‘nalishlari muhokama qilindi.
Saida Mirziyoyeva YUNESKO bosh direktori Xolid al-Anani bilan uchrashuv o‘tkazdi. Uchrashuv davomida Samarqandda bo‘lib o‘tgan YUNESKO Bosh konferensiyasining 43-sessiyasi doirasida erishilgan kelishuvlarning amaldagi ijrosi muhokama qilindi.
Tomonlar inson kapitalini rivojlantirish, sun’iy intellekt va kreativ industriyalarni qo‘llab-quvvatlash, xotin-qizlar yetakchiligini mustahkamlash hamda madaniy merosni asrab-avaylash masalalariga alohida e’tibor qaratdi.
Saida Mirziyoyeva ta’kidlashicha, YUNESKO bosh qarorgohida o‘tkazilayotgan uchrashuvlar O‘zbekiston va tashkilot o‘rtasidagi strategik hamkorlikni yanada chuqurlashtirish uchun yangi imkoniyatlarni yaratmoqda.
