1-iyuldan ayrim IESlarda elektr energiyasi ishlab chiqarish tariflari oshiriladi
Aholi uchun elektr narxlari o‘zgarmaydi.
Vazirlar Mahkamasi huzuridagi Idoralararo tarif komissiyasining tegishli bayoniga muvofiq, 2026-yil 1-iyuldan ayrim issiqlik elektr stansiyalarida elektr energiyasini ishlab chiqarish tariflari oshiriladi.
Yangi tariflar "Issiqlik elektr stansiyalari" AJ, "Angren IES" AJ, "Yangi Angren IES" AJ, "Talimarjon IES" AJ hamda "Taxiatosh IES" AJ tomonidan ishlab chiqariladigan elektr energiyasiga tatbiq etiladi.
Qayd etilishicha, mazkur tariflar elektr energiyasining ichki tarmoq narxi hisoblanadi va yagona xaridor — "O‘zenergosotish" AJ uchun belgilanadi.
Shu munosabat bilan ushbu o‘zgarishlar aholi va boshqa iste’molchilar uchun amaldagi elektr energiyasi tariflariga tatbiq etilmaydi.
