Ali Xomanaiy bilan vidolashuv marosimida 100 ga yaqin davlat vakillari ishtirok etadi
Eron TIV ma’lumotiga ko‘ra, dafn marosimlari 3–9-iyul kunlari davom etadi.
Eron Tashqi ishlar vazirligi marhum oliy rahbar Ali Xomanaiy bilan vidolashuv marosimida 100 ga yaqin davlat delegatsiyasi ishtirok etishini ma’lum qildi.
Vazirlik matbuot kotibi Esmoil Bag‘ayi ma’lum qilishicha, marosimda davlat va hukumat rahbarlari, parlament spikerlari, tashqi ishlar vazirlari, maxsus hukumat vakillari hamda ko‘plab jamoat arboblari qatnashishi kutilmoqda.
Uning so‘zlariga ko‘ra, xorijiy delegatsiyalar ishtirokidagi vidolashuv marosimi 3-iyul kuni Tehronda mahalliy vaqt bilan soat 14:00 (Toshkent vaqti bilan taxminan 15:30) da boshlanadi.
Eron rasmiylari ma’lumotiga ko‘ra, Ali Xomanaiy bilan xayrlashuv marosimlari bir necha kun davom etadi. 4–5-iyul kunlari uning jasadi Tehrondagi Mosallah majmuasida jamoatchilik uchun qo‘yiladi. 6-iyul kuni poytaxt ko‘chalarida dafn marosimi o‘tkazilib, shundan so‘ng jasad Qum shahriga olib boriladi.
Shuningdek, 8-iyul kuni marhumning jasadi Iroqning Najaf va Karbalo shaharlariga olib borilib, u yerda ham alohida vidolashuv marosimlari tashkil etilishi rejalashtirilgan. Yakuniy dafn marosimi esa 9-iyul kuni Mashhad shahrida o‘tkazilishi ko‘zda tutilgan.
