O‘zbekistonliklarning aksariyati qayerda yashaydi? Dastlabki ro‘yxatga olish natijalari e’lon qilindi
Xususiy uylar O‘zbekistonda eng keng tarqalgan yashash turi bo‘lib qolmoqda.
Aholi va qishloq xo‘jaligini ro‘yxatga olishning dastlabki natijalariga ko‘ra, O‘zbekistonda aholining asosiy qismi xususiy yakka tartibdagi uylarda istiqomat qilmoqda.
Statistika qo'mitasi ma’lumotlariga ko‘ra, 33,3 million nafar fuqaro, ya’ni mamlakat aholisining 85,3 foizi xususiy hovlilarda yashaydi.
Shuningdek, 4,8 million kishi yoki jami aholining 12,4 foizi ko‘p qavatli uylar xonadonlarida istiqomat qilmoqda.
Yana 927,3 ming nafar fuqaro (2,3 foiz) dala hovlilari, yotoqxonalar, mehmonxonalar hamda boshqa turdagi turar joylarda yashaydi.
