Baliqchilikni rivojlantirish va qo‘llab-quvvatlash jamg‘armasi tashkil etiladi
Toshkent davlat agrar universiteti hamda Dalian Xitoyning Daliyan universiteti hamkorligida baliqchilik va akvakultura yo‘nalishi bo‘yicha qo‘shma fakultet tashkil etiladi.
O‘zbekistonda Baliqchilikni rivojlantirish va qo‘llab-quvvatlash jamg‘armasi tashkil etiladi. Bu haqda “Huquqiy axborot” Telegram-kanali xabar berdi.
Hujjatga ko‘ra, yangi jamg‘arma “O‘zbekbaliqsanoat” uyushmasining Baliqchilikni rivojlantirish jamg‘armasi negizida tegishli markaz huzurida faoliyat yuritadi.
Shuningdek, 2027-yil 1-mayga qadar baliqchilik xo‘jaliklarida suv resurslaridan foydalanish, baliq yetishtirish hajmi, ozuqa sarfi, qo‘llanilayotgan texnologiyalar hamda ijaraga beriladigan suv obyektlari hisobini yagona tizimda yuritish imkonini beruvchi “e-baliq” elektron platformasi ishga tushiriladi.
Farmonga muvofiq, 2027/2028-o‘quv yilidan boshlab Toshkent davlat agrar universiteti hamda Xitoyning Daliyan universiteti hamkorligida baliqchilik va akvakultura yo‘nalishi bo‘yicha qo‘shma fakultet tashkil etiladi.
Mazkur fakultetga har yili davlat granti asosida 50 nafargacha abituriyent qabul qilinadi. Ta’lim jarayoni “2+1” modeli asosida tashkil etiladi, qabul kvotalari esa har yili davlat buyurtmasi parametrlariga muvofiq tasdiqlanadi.
